gazya.ru страница 1
скачать файл

МОУ Шэръягская основная общеобразовательная школа

Коми литератураысь урок – конспект

«И.А. Куратов. Радейтчöм йылысь кывбуръяс» тема вылö
Уджсö дасьтíс:

Напалкова Земфира Вадимовна


Уроклöн тема: «И.А.Куратов. Радейтчöм йылысь кывбуръяс» урок – мастерская

Могъяс:

1. велöдана: сетны выль тöдöмлунъяс «И.А.Куратов. Радейтчöм йылысь кывбуръяс» тема серти, велöдны уджавны группаöн да параясöн;

2. воспитывайтана: велöдны челядьöс сюся кывзыны ерта – ертнысö, да колана ногöн вочавидзны велöдысьöн пуктöм юалöмъяс вылö ;

3. сöвмöдана: сöвмöдны внимание да серни сям.


Оборудование:

1. коми литература учебникъяс

2. уджалан тетрадьяс, ручка

Класс: 9


Уроклöн этапъяс

Велöдысьлöн кывъяс

Велöдчысьяслöн кывъяс

Индукция

Видза оланныд! Уроклöн талунъя тема «И.А. Куратов. Радейтчöм йылысь кывбуръяс». Радейтчöм, муслун – тайö «вечнöй» темаяс кыдз искусствоын, сíдз и литератураын. Иван Куратовлöн радейтчöм тема кывбуръясын шöр геройлöн радейтöмыс век сöстöм да мича.

Сьöкыд мыж эм лолöй вылын,

Öти мыж и эм!

Дзик чöв олí, кор «тэ муса»

Сíйö шуис мем. - гижö коми поэт.

Öнí задание: гижöй тетрадяныд ставсö, мый воö вежöрад, кор мöвпаланныд муслун йылысь. Тайö вермас лоны и вöр-ва, и морткöд йитчöм образъяс



Челядь гижöны ассьыныс мöвпъяснысö, а сэсся классöн сернитöны- обсуждайтöны

Самоконструкция

Челядь, а кутшöмöн тíян серти должен лоны радейтана морт? Кутшöм шöр качествояс должен сылöн лоны? И мый сэтшöм радейтчöмыс, мыйысь артмö муслун?

Быдöн висьталö, вочавидзö юалöмъяс вылö

Социоконструкция

А öнí юксям параяс вылö. Кутам уджавны кывбуръяс вылын да видзöдлам ена-ö торъялöны тíян видзöдласъясныд Иван Куратовлöн мöвпъясысь. Заводитам «Меным, кылан, дяк…» кывбурсянь. Тайö кывбурын сöмын радейтчöм тема воссьö, али эм нöшта на мукöд мöвпъяс? Кутшöм кывъясöн петкöдлöма дякöс да том нылöс?

Параясöн уджалöм, челядь анализируйтöны кывбур, вочавидзöны юалöмъяс вылö, юксьöны öта-мöдыскöд мöвпъяснаныс.

Социализация

Юксям группаяс вылö. Уджалам тадзи: медводдза группа вöчö тырвыйö анализ «Грездса ныв карса баринлы» да вочавидзö татшöм юалöм вылö – кыдзи петкöдлöма кывбурын коми йöзлöн мичлун да радейтчöм гöгöрвоöмыс? А мöд группа уджалö «Том ныв» кывбур вылын.

А тí кыдз мöвпаланныд, лöсялö-ö тíянлы татшöм радейтöмыс? Сöгласöсь-ö коми поэтлöн мöвпъясыскöд?



Группаясöн уджалöм, кывбуръяс лыддьöм да анализируйтöм

Афиширование

Челядь, мый йылысь ми талун тíянкöд сернитíм? Петкöдлöй радейтчöмсö схемаöн, серпасöн либö вöчöмöн.

Творческöя мöвпалöм да петкöдлöм

Разрыв

Радейтчöм тема – тайö «вечнöй» тема художествоа литератураын. И.А. Куратов аслас кывбуръясын йитö радейтчöм темасö и мукöд темаяскöд. Сíйö зывöкпырысь сернитö вичкоса служащöйяс йылысь, кыдз тí казялíнныд «Меным, кылан, дяк…» кывбурын. Збыль геройясöн поэтлöн лоöны грездса том йöз. Татшöм геройяслы радейтíгас оз ков ни карса олöм, ни озыр барин, мусаöсь ас, грездса йöз да грездса олöм. Поэт сöмын радейтана морт йылысь гижигöн аддзö мича кывъяс и тайö кывъясыс локтöны сылы сьöлöмсяньыс. Öд радейтчöм да муслуныд медводз и чужöны сьöлöмын.




Рефлексия

Мый талун тíянлы вöлí сьöкыд? Урок помын окота шуны поэтлöн кывъясöн: «Эз кö шог вöв. гаж эг тöдö…». Ме сиа тíянлы сöмын став бурсö, а став лексö, мый паныдасяс олöманныд, сиа венны.

Гортса удж: велöдны наизусть «Том ныв» кывбур.

А бура уджалöмысь талун тí босьтанныд бур оценкаяс. Молодечьяс!

Аддзысьлытöдз. Став бурсö!



Ставнас уроксö обсудитöм



Вöдитчан литература:

1. Таскаев А.И., Попова В.А., Остапова Е.В. Коми литература: 9-öд класслы велöдчан небöг. – Сыктывкар, Коми небöг лэдзанíн, 2003. – 384 л.б.



2. Остапова Е.В. 9-öд классын коми художествоа гижöд велöдöм. – Сыктывкар, «Анбур», 2007. – 104 л.б.

3. 9-öд класслы коми литератураысь уджалан программа
скачать файл



Смотрите также:
Литератураысь урок конспект «И. А. Куратов. Радейтчöм йылысь кывбуръяс» тема вылö Уджсö дасьтíс: Напалкова Земфира Вадимовна Уроклöн
32.6kb.
Урок в 11 «б» классе. Тема: Музыка. Французская песня. Музыкальная гостиная. Le salon musical
53.25kb.
Урок развития речи в 7 классе Тема: «Фотография из семейного альбома» 22 Устный журнал в 6 -ых классах Тема: «Кто и когда нам письмена сотворил» 27 Урок-портрет по творчеству А. А. Фета (10 класс) 40 Литература 63
648.1kb.
Конспект урока истории в 7 классе Тема «Как учились на Руси…». Тип урока : проблемный урок изучения нового материала; практическое занятие
224.4kb.
Урок Тема Страницы истории нашей Родины. Урок разработан
119.17kb.
Урок математики в 1 классе Тема: «Повторение и обобщение изученного по теме «Числа от 1 до 10»
71.48kb.
План-конспект урока музыки по теме «Вечная тема мать и дитя» Учитель музыки Высшей категории моу «Таутовская сош»
61.86kb.
Конспект Предмет: физика 8 класс Тема: Количество теплоты Учитель: Обухов Василий Александрович Тема: количество теплоты
53.08kb.
Конспект урока в 6 классе тема «Внешнее строение листа» Учитель биологии Абдуллина Р. Ю. 2013 г
36.38kb.
Конспект непосредственно образовательной деятельности по развитию базовой способности организации действия Тема: Аквариум
54.45kb.
Тема: «основы информатики. Урок №2. тема: «единицы измерения информации»
20kb.
Конспект урока литературы в 5-м классе с использованием икт по программе «Школа 2100». Тема: Что такое дружба (по главе «План кампании» романа А. Дюма «Три мушкетёра»). Цели и задачи
56.26kb.